قصه شباح نادر
مش بتكلم وموظفه الاستقبال بتقولي نعم يافندم وانا قاعده بفكر اقولها ايه
ف فكرت اني اقولها مواصافاته كأني مريضه عنده ونسيت اسمه
وفعلا قولتلها انا كشفت عند دكتور كدا ومش فاكره اسمه اصل الروشته ضاعت مني وبدور عليه
قالتلي مواصفاته ايه
قولتلها مواصافات الشاب الي بشوفه..
قالتلي باستغراب دكتور نادر.!!!!
قولتلها بلهفه اه اه هوا مش عارفه ازاي نسيت اسمه
قالتلي انتي كشفتي من امتي ! حسيت انها بدأت تشك فيا
ف ضحكت كدا وقولتلها من فتره مش فاكره الشغل بقا وكدا مخليني مش مركز اوي ف الوقت والايام وانتي عارفه بقا ضغط شغل الموطفين الي زينا ههه
راحت ابتسمت وقالتلي فعلا...بس حضرتك مش هتقدري تتابعي مع الدكتور تاني لانه عمل حاډثه من 4شهور وف غيبوبه لحد دلوقت هنا..!
اخدت الخبر وانا متنحه برضو ومشيت من غير اقول ولا اي كلمه
بدأت اسأل نفسي طول الطريق يعني دي روحو ! طب ازاي روحو وهوا لسه يعتبر عايش! طيب اشمعنا انا الي بشوفو ! ممكن يكون زي الافلام روح وطالبه مساعده
اي الهبل دا افلام ايه ومساعده ايه..دا هبل..يعني الي حصل دا كله مش هبل انا ممكن دلوقت اصدق
اي حاجه
وفضلت ع الحال دا بكلم نفسي وعايشه ف صراع
واخدت نفس طويل وقولت بصوت مسموع.... هتكون عاوز ايه يادكتور نادر
طب ممكن ميكونش هوا دا كتور نادر انا لازم اتأكد بنفسي بكره ان شاء الله..
وروحت ومنمتش من كتر مانا بفكر هعمل ايه بكره
قررت مروحش الشغل واروح المستشفي وفعلا روحت وبصيت
وفعلا روحت وقولت لموظف الاستقبال في مريض هنا ف حاله غيبوبه اسمه نادر دكتور نادر انا قريبته
قالي كويس الحقي مامته وباباه لسه داخلين حالا وقت الزياره بدأ من ربع ساعه الدور التاني غرفه A_5
روحت طلعت وبدأت امشي وخاېفه حد يشوفني ووصلت الاوضه وبصيت من الازاز لقيت مامته وباباه وقاعدين وع وشهم حزن.. وانا ببص عليهم مكنش واضح اوي شكل الشاب..ومركزه بحاول اشوفو من الازاز
لقيت صوت رجل جايه ناحيه الممر ف الطرقه جريت استخبيت لقيت دكتور خبط ودخل جريت عند الباب كان مردود سمعته بيقولهم حالته ف تأخر مستمر وانهم للاسف مفيش امل وانهم بيفكرو يفصلو الاجهزة عنه !!.
طبعا مامته وباباه لقيته انهارو حتي مش كملو وقت الزياره وخرجو وع وشهم حزن وانكسار..
دي كانت فرصتي اني ادخله ووقت الزياره لسه شغال
دخلت لقيته هوا فعلا الشاب الي شوفته بس كانت ملامحه مريحه اوي حسيت كأني اعرفه من سنين
قعدت قولتله كلام كتير كأني ما صدقت شوفته كلام انا مش عارفه بقولو ليه حاجات عن احاسيسي وارهاقي وتعبي..
وبعدين سكت ولسه هقوله كلام كتير تاني جت الممرضه وقالت لي الزياره خلصت وخرجتني بره..
روحت وانا دموعي ع خدي مش عارفه السبب وفضلت ماشيه ودموعي مبتتفارقنيش....
دخلت البيت ودخلت اوضتي من كتر التعب الي فيا نمت بهدومي
صحيت
وركبت الاتوبيس وروحت الشغل وانا روحي كلها
لقيته واقف قدامي وبيقولي انزلي..هوا ايه دا نادر انزل تاني!!!ومش الاقيك لا لا مش نازله
قالي مټخافيش مش همشي.
وفعلا نزلت
قالي انا بركب كل يوم الاتوبيس دا بروح منه الشغل دكتور جديد وكدا بقا
و اول ماربنا كرمني اشتريت عربيه وانا راجع من الشغل بالليل العربيه اتقلبت بيا..
عارفه انا لو عشت تاني هافضل اركب اتوبيس طول حياتي ههه
بسسسس انا خلاص هاموت وهايفصلو عني الاجهزه
كان بيقول الكلام دا وعلى وشه حزن كبير
كنت لسه هسأله اشمعنا انا شوفتك كان اختفي
قررت اني لازم اساعده..وروحت المستشفي..
روحت الاستقبال وطلبت الدكتور اللي مسئول عن حالته وقعدت معاه وحاولت اقنع فيه انه يديله فرصه وميفصلوش الاجهزه عنه انا متأكده انه هيرجع محتاج فرصه بس
طبعا الدكتور قالي متأكده ازاي !انا معرفش اقولو ايه احكيله ويقول عليا مجنونه ولا اعمل ايه..
سكت شويه
وقولتله احساسي
قالي احساسك!!!!
بصلي باستغراب وقال حبيبته!!
قالي نادر طول عمره مش اجتماعي وملتزم جدا وجاد عمري ماتوقعت انه يكون بيحب
قالي للاسف مقدرش اعمله حاجه اهله وقعوا على الورق وهنفصل عنه الاجهزه بكره.
محستش بنفسي غير وانا بعيط وقلبي واجعني
والدكتور شفق عليا وقالي انا اقدر اخليكي تدخليله تقعدي معاه
وتودعيه وفعلا دخلت الاوضه
قعدت جمبه وقلبي واجعني حاسه پألم جامد ونغزه فقلبي كأني ھموت
وقولتله انا اسفه كنت عاوزه
انا لحد دلوقت مش عارفه انت ظهرتلي انا ليه بس انت احلي حاجه حصلتلي ف حياتي
معرفش ازاي وامتي وانا مجنونه بحب روح بس الحقيقه انا بحبك
وانا ماسكه ايده لاقيت ايدة بدأت تتتبت فيا وتتحرك والاجهزه قعدت تعمل اصوات غريبه ولقيت دكاتره وممرضات دخلو وخرجوني بره والدكتور قالي اخرجي
وانا مش فاهمه في ايه...
خرجت وبعد شويه لقيت الدكتور جاي وفرحان وبيقولي فاق دكتور نادر فاااق جريت زي المجنونه اشوفو
مكانوش عاوزين يدخلوني ومرت ساعات لحد مااطمنو عليه وفاق
جه الدكتور الي يعرف اني حبيبته قالي ادخلي وهما كلهم موجودين كنت خاېفه اوي وانا دخلاله واول مره هشوفو على الحقيقه مش روح كانت احاسيسي متلخبطه اوي وببكي من الفرح دخلت والدكتور بيقولو نادر حبيبتك جت.
نادر بصلي قال حبيبتي !!! مين !
الدكتور قالو يعني متعرفهاش قالو لا..!
انا بكيت وجريت بره وخرجت وروحت البيت وانا قلبي واجعني
نادر ميعرفنيش
قلبي وجعني اوووي اوي
بس مع الايام حاولت ابقي كويسه ورجعت لشغلي تاني بعد ماقضيت اسبوعين فى البيت
ورجعت اركب الاتوبيس تاني
وانا قاعده لقيت واحد داخل الاتوبيس..
نادر!!!!
بس دخل كأنه مايعرفنيش
دمعت وافتكرت كلامه لما قالي لو عشت هافضل اركب الاتوبيس طول حياتي وضحكت بيني وبين نفسي
وكل يوم بشوفو وهوا بيركب
واليوم قالي صباح الخير وابتسملي
انا فرحانه اوي اني بشوفو حتي ولو ميعرفنيش
اخيرا جه اليوم اللى قعد جنبى فيه وقالى انه كان معجب بيا
تمت
