عروسه لعبه
عارف يعني إيه تكون بتصور ابنك في أمان الله و بعد ما تتفرج على الصورة تتفاجئ بوجود حاجة غريبة فيها! بمعنى أصح حاجة مرعبة تخلي العقل يقف لثوان!
سفيان ابن ندا صاحبتي عنده تلات سنين و نص مامته قررت توديه روضة منها يبدأ يتعلم و منها تلاقي حد ياخد باله منه لحد ما ترجع من شغلها لأنها شغالة ممرضة و بتغيب في شغلها و زوجها موظف كذلك و معندهاش حد يقعد بالولد.
إحنا صحاب أوي من أيام الثانوي و على طول اتصالاتنا ببعض مستمرة الحمدلله و ندا تعرف بالحاسة المميزة اللي عندي فلقتها بتتصل بيا كذا مرة كنت في التواليت بحمي ابني و معرفتش أرد ست مكالما ت فائتة و رسايل على الواتس منها كتير.. فتحت الواتس و أنا في قمة قلقي لقيتها باعته صورة ابنها و بتقول
نور.. الحقيني.. ردي بسرعة بصور ابني بشنطة الحضانة الجديدة و بشوف الصورة لقيت ده!
دي لعبة سفيان و بيحب يلعب بيها لقيتها زي ما أنت شايفة كدا.. مطلعة لسانها كأنها بټموت و ماسكة سکينة.. تعالي بسرعة بالله عليك أبو سفيان مش هنا هيبات برا و مش عارفة أتصرف ازاي
دققت في الصورة بالفعل لقيت عروسة لعبة مظهرها مريب كأنها خارجة من فيلم ړعب!
أول حاجة جات في دماغي إن العروسة دي مسكونة أصل ملهاش حل تاني! هتكون إيه مثلا.. خارجة من سبيستون كوكب زمردة!
زوجي كان في الشغل فاتصلت بيه أعرفه إني رايحة لندا لظرف غامض حصل معاها فوافق بشرط اسيب ابني مع حما تي هو عارف إن بعرف اتصرف
فتحت لي الباب و على وشها علاما ت الفزع كانت ماسكة سفيان في ايدها و بتقولي
نور.. الحمدلله إنك متأخرتيش أنا عمالة أقول بيتهيألي بس الصورة كل اما أبص فيها أخاف اكتر
طمنتها و فضلت الاعب سفيان شوية عشان يطمن لي هو كمان اكتر مع إنه واخد عليا بس كان الغرض اسأله شوية أسئلة محتاجة اجابتها ضروري.
قعدته على رجلي و فضلت امشي بايدي على شعره الأشقر و أنا ببتسم بحنية و بقوله
تعرف إنك ذكي جدا يا سفيان ولما تروح الحضانة إن شاء الله هتحبها أوي و هتبقى شاطر جدا فيها
هز راسه وهو بيقول ببراءة
شفتي شنطتي الجديدة يا طنط نور
أيوة يا حبيبي.. جميلة أوي قولي بقى يا سيفو.. ماما قالت لي إن عندك عروسة لعبة بتحبها أوي بتلعب معاها كتير
أنا كنت عايزة أخرج منه أي كلمة عن العروسة كنت متوقعة هيقولي حاجة مريبة تأكد شكوكي إنها مسكونة بس تفاجئت لما قالي وهو
بيضحك
أنا مسميها لولو وهي قالتلي إن اسمها حلو و بتحبه و بتحب تلعب معايا كتير و قالتلي هزعل منك لو لعبت مع حد غيري
بصينا أنا و ندا لبعض بصه سريعة و رجعت سألته
العروسة اللي قالت لك كده
هز راسه بابتسامة و كمل بجملة صدمتني
آه و كمان.. و كمان يا طنط نور هي مش بتحبك و مش عايزاك تيجي عندنا خالص بس أنا بقولها طنط نور طيبة
اممم مش بتحبني! قولتلي
الأطفال
مهي لو مسكونة فعلا فاكتر حاجة الروح اللي سكناها پتخاف منها هما الناس اللي يقدروا يحاربوها اللي قلبهم جامد باختصار.
مسكت العروسة في ايدي كانت محطوطة زي ما هي على السرير بس مش ماسكة نة في ايدها ينة اللي كانت مسكاها حطتها تاني على الكومودينه جنبها.
فضلت أضغط عليها و أدوس على جسمها حسيت بإن جواها حاجة مش طبيعية أصلا العروسة لوحدها شكل عينيها كأنها حقيقية! معرفش ندا و جوزها ملحظوش عينيها ازاي بس يمكن أنا لوحدي اللي قدرت الاحظ الحتة دي.
سألت ندا
جيباها منين العروسة دي!
مش جيباها دي واحدة زميلتي معايا في الشغل اديتها لسفيان هدية.. قالت اشترتها ليه مخصوص عشان عارفة إنه بيحب العرايس
و اديتهاله امتى
من أسبوعين كدا
رجعت بصيت تاني للعروسة و مشيت بأطراف صوابعي على عينيها و فضلت اضغط عليها جامد..
لاحظت خروج بعض قطرات الډم من عينيها فمسحتها بسرعة عشان ندا متاخدش بالها و طلبت منها تسيبني اخدها البيت و ما تجبش سيرة لأي حد بالذات زميلتها اللي اديتها العروسة طبعا خدت اللعبة دي من ورا سفيان عشان متعلق
روحت دخلت أوضة و قفلت عليا الباب عشان لو أي حاجة حصلت محدش يتأذي غيري.
حطيت العروسة اللعبة على كرسي قدامي و قعدت قدامها ابص لها و ادقق النظر فيها على أمل يصدر منها أي حركة تساعدني في التحقيق اكتر.
تنهدت و أنا برجع ضهري لورا و بسألها سؤال عابر
إيه حكايتك
بس جو حركات الأكشن ده بتاع الأفلام الړعب مظهرش.. العروسة فضلت زي ما هي عادي متحركتش.
اتصلت على ندا اسألها عن تفاصيل اكتر عن زميلتها دي لأني نسيت اسألها هناك.. ردت و قالت لي
أنا أعرفها من سنتين معايا في المستشفى الأول مكنتش بتحبني بسبب ظروف كدا بس بعد كدا بقينا صحاب و
بتحبني جدا و بتحب سفيان أوي بس هي هند علاقتها إيه بالموضوع بتاعنا يعني!
مرضتش أقولها إني شكه في هند دي إنها واحدة مش تمام و وراها سر فا رديت
بسأل عادي يعني بس هي مكنتش بتحبك ليه!
كان موضوع كدا قديم و راح لحاله هند كانت مخطوبة لجوزي قبل ما يتجوزني و كانت بتحبه أوي بس تصرفاتها مكنتش عجباه وهو مرتحش نفسيا ففسخ الخطوبة ده موضوع عدا عليه يجي خمس سنين بس دلوقت إحنا سمنة على عسل
و مين قالك إنه عدا يا ندا القلوب السودة مش بتعدي بسهولة و بترجع ټنتقم
تقصدي إيه
ولا حاجة لما أوصل لجديد هكلمك
قفلت معاها و رجعت أفحص العروسة تاني كنت حاسة إن فيها حاجة غريبة جبت مقص و قررت افتحها و أعرف جواها إيه.. حتى أطمن شوية بس واضح كدا إن مفيش اطمئنان!
فتحتها و الحمدلله إني اتصرفت بسرعة و
