ماذا افعل بهذا الامر

ماشي فى الشارع ولقيت عفش بيترمى فى الشارع باهمال وعصبيه وواحده واقفه وحضنها اطفلها الصغيرين وعمالين يبكوا وبيقولوا لوالدتهم هو في ايه ياماما هو عمو بيعمل كده ليه وبيضردنا برا بيتنا ليه وبيرمى حاجتنا كده ليه ووضعين وجههم فى ملابس والدتهم وبيبكوا كأنهم بيهربوا من هول المنظر وبيخبوا عيونهم بامهم حتى لا يروا قسۏة الايام 
المشهد تعب اعصابي وزود فضولي اعرف في ايه قربت من آلام وقولت ليها فى ايه هو الراجل ده مين وبيرمى حاجتكم كده ليه 
فنظرت لى بكل حسره وقالت دا صاحب الشقه وطردني انا واولادي من بعد ما جوزى اختفى من فتره ومش عارفه عنه حاجه ومابقتش عارفه ادفع له الايجار 
رديت عليها جوزك اختفى ازاى يعنى ومابلغتيش الشرطه ليه عن اختفائه 
فردت لا اصله علطول بيعمل كده يختفي كل فتره ويرجع بس المره دى طول اوي اصل اللى بياخده لاحس عقله منه لله 
رديت اه فهمت طب ممكن ادخل اتفاهم انا مع صاحب الشقه 
هىبكل حسره وذنب حضرتك ايه 
انامعلشي ما برضوا لازم يبقى فيه رحمه 
وسبتها ودخلت اتكلم مع صاحب الشقه وقولت له هى متأخر عليها قد ايه 
صاحب الشقه بكل قسوهبقولك ايه اطلع من دماغى انا خلاص اجرت الشقه

لحد تانى روح لحالك ياسيدى ماتعمليش فيها ملاك الرحمه انا مش كل شهر هدور على اللى يدفعلها وبعدين انا بصراحه كده مش عاوزهم يقعدوا هنا تاني دا جوزها راجل مؤذي وكل فتره عامل لى مشكله ومبهدلين الشقه ومابعرفش اخد معاه حق ولا باطل وبعدين انا خلاص كتبت عقد ايجارها لحد تانى وجى يستلمها النهارده روح لحالك يا اخينا انت مش فاهم حاجه 
حاولت معاه بكل الطرق لكن للاسف مافيش فايده واضح انه عاوز يخلص 
وطلعت وانا خايب الرجاء ومش عارف اعمل ايه 
وخصوصا لما الأطفال جريوا ناحيتى وهما فرحانين ها ياعمو ندخل 
نظرت للارض وقولت انا اسف ماعرفتش اعمل حاجه 
طلعت مبلغ من جيبى وقولت للأم ممكن تقبلي دول بس عشان تعرفي تتصرفي اصل الراجل صاحب الشقه واضح انه مصمم 
قالت لى 
انا مش عاوزه فلوس انا عاوزه تقف بس معايا بعد اذنك لو أمكن والفلوس دى شوف لي اى مكان معلش هتقل عليك عشان مش عارفه اتصرف بالعفش والعيال وزي ما انت شايف بكاهم تاعب اعصابي وانا ماليش حد بعد مۏت والدى ووالدتى انا اسفه انى بتقل عليك بس ڠصب عنى والأطفال ونبي ياعمو رجعنا البيت 
بصراحه صعب عليا اللى
فيه وخصوصا الأطفال 
قولت ليها حاضر رغم انى كنت رايح اقابل اهل حبيبتى عشان اطلب ايدها ومابقتش عارف اعمل ايه اسيبهم مرميين فى الشارع لحد ما اروح واجى ولا ايه وانا كنت حاسس ان ربنا بعتنى ليهم عشان اقف معاهم اتصلت على حبيبتى عشان أخبرها انى هتاخر شويه 
فسالتنى ليه فى حاجه ولا ايه فحكيت ليها اللى حصل لقتها اتعصبت وتقولى انت بتهزر بقى بابا واخويا وعمى وقريبي مستنيينك وانت جى تقول لى الكلام الفارغ ده 
بقولك ايه انا مش هقولهم انك هتتاخر وياتيجي فى ميعادك يابلاها خالص انت عاوز تحرجني وخلاص 
بصراحه مابقتش عارف اعمل ايه 
قعدت اسأل فى القهاوي القريبه من المكان عن سمسار يقدر يوفر مكان ليهم فاضي بس للأسف مالقتش مكان فاضي بسعر مناسب لامكانياتى وحتى اللى متوفر أمامه لاخر الشهر 
قولت ليها معلش هسيبكم هنا وخلى معاكى المبلغ ده مؤقتا وانا هروح مشواري وهرجعلكم وان شاء الله اقدر اتصرف ليك فى مكان يستركم انتى وعيالك 
قالت لى خلى الفلوس معاك ولما ترجع ربنا ييسر بس ارجوك ما تتخلاش عنا انا مش هعرف اتصرف
ومشيت وروحت الميعاد وقعدت معاهم واتفقنا على كل حاجه واتفقنا على ميعاد قراءت الفاتحه وتلبيس شبكه علطول 
وسبونى انا وحبيبتي قعدنا شويه 
واول حاجه قلتها مين دي بقى يا استاذ اللى كنت عاوز تأجل الميعاد عشانها تعرفها منين 
قولت ليها والله ولا اعرفها خالص انا بس صعب عليا منظرها هى وعيالها الاربعه رميتهم فى الشارع بعفشها والعيال صغيرين وبيبكوا 
لقتها رديت وانت مالك بيهم هو انت المصلح الاجتماعى انت حمل تأجير شقه ودفع ايجارها انت ناسي المصاريف اللى داخل عليها 
طب فكر فى شقتنا الاول اللى عاوزه تجهيز وتوضيب انت هتحتاج كل قرش معاك انسى انك ترجع تاني ليها ولا الست عجبتك وعامل حجه انهم صاعبنين عليك 
اناعجبتني ايه ايه الكلام الفاضي ده وازاى عوزانى اتخلى عنهم وهما عشمانين فيا كده مش حرام رميتها فى الشارع كده وانت اقدر اساعدها لو حتى هدفع ليها شهر لحد ما تتصرف 
هىشهر ايه وهيعوزوا تأمين بقولك انسى الامر ده انت محتاج كل جنيه زي ما قولتلك وماتنساش الشبكه انت ناسي اننا كنا قاعدين نحسبها بالجنيه ولا ايه ولا ناوي تاخد من ثمن الشبكه وهتيجى عليا ولا ايه 
بقيت مش عارف اقول ليها ايه لان فعلا هى عندها حق انا كنت هاخد من ثمن الشبكه اللى اتفقنا عليه اتصرف ازاى واعمل ايه
هل هى عندها حق ام انا لازم ما اتخلاش عن الست والأطفال اللى ربنا بعتنى ليهم وزمانهم نايمين فى الشارع