ازاي طردت مرات أبويا من البيت تالت يوم دفنة أبويا؟؟
ازاي طردت مرات أبويا من البيت تالت يوم ډفنة أبويا
تقول صاحبة القصة
كارول مرات أبويا خلال 3 سنين جوازها... حولت بيت أمي للمملكة الخاصة بيها.. وكنت أنا في المملكة دي بنت جوزها الغير مرغوب في وجودها.. واللي بتحاول تطردها من حياتها من أول يوم..
كانت توقع أكلي على الأرض.. ترمي ژبالة جوه أوضتي.. تحط لزق في عبوات الشامبو بتاعي.. وطبعا قدام أبويا بتتحول لكائن رقيق وجميل وبتأكد له إنها بتهزر مش أكتر.. القناع اللي كانت حطاه بدأ يقع من أول ما أبويا تعب..
في الأول أقنعته إنه ميروحش حفلة التخرج بتاعتي من المدرسة الثانوي عشان التوتر ممكن يبقى كتير على قلبه.. وافقها وفعلا مجاش.. وفي نفس التوقيت نشرت صور لرحلتهم سوا..
لما اتقبلت في جامعة أحلامي بمنحة جزئية قعدت مع أبويا عشان تكلمه عن الفلوس وبتقترح عليه إنه ميدفعش حاجة عشان دي مصاريف ع الفاضي.. قصاد فواتير علاجه.. ف نفس الأسبوع اشترت شنطتين من مصممين عشان تكمل المجموعة بتاعتها الشنط دي بتكون غالية جدا وممكن توصل ل ألف للشنطة الواحدة بس أنا كده كده كان عندي فلوس من أمي ف ماكنتش هاخد من أبويا حاجة..
القسۏة الحقيقية بتاعتها ظهرت لما أبويا اتحجز في المستشفى.. كانت بترفض تخليني أزوره عشان يرتاح ولما بتسمح لي بيكونوا بس 15 دقيقة مع إنها بتقعد معاه بالساعات..
في مرة وصلت ولقيتها بتكلمه وبتخطط معاه للميراث وهو أصلا كان مش في وعيه بالكامل.. مش بس كده دي كان معاها ورق بتمضيه عليه.. ولما سألتها ايه
ردت عليا يا حبيبتي انتي أصغر من إنك تشغلي باللك بحاجات الكبار زي الوصية والأملاك
لما حاولت أبات مع أبويا في يوم كلمت الأمن يطردني.. بحجة إني بزعج باقي المرضى.. مع إني كنت قاعدة جنب سرير أبويا ساكته..
تاني يوم جنازة أبويا.. كنت لسه لابسه عليه أسود وملحقتش أكمل قهوتي بتاعة الصبح..
كارول دخلت الأوضة وهي بتهز مفاتيحها بفرحة وكأنها كسبت اليانصيب وقالت محتاجين نناقش وضعك دلوقتي.. البيت ده بتاعي.. وانت لازم تلاقي لنفسك مكان تقعدي فيه.. كرم أخلاق مني هديكي 30 يوم.. وده أكتر من اللي المفروض أديهولك عشان تمشي.. بصراحة يا حبيبتي إنت بتفكريني بماضي أحب إني أرميه ورايا
قالت كل ده وهي حتى مش مكسوفه والا بتمثل إنها زعلانه.. طلعت من شنطتها مذكرة طرد قانونية وحطتها قدامي على الترابيزة.. المذكرة كانت معمولة نفس يوم ۏفاة أبويا..
عارفين مش مذكرة الطرد اللي ضايقتني.. اللي ضايقني إنها كانت قاعدة في مطبخ أمي.. لابسه مجوهرات أمي.. وبتقول عليا ماضي تحب ترميه وراها..
فضلت مبحلقه فيها.. الست دي بقالها 3 سنين بتلعب دور مرات الأب اللي بتحب بنت جوزها.. وهي بشكل ممنهج بتمحي وجودي من حياة أبويا.. وحاجة كبيرة حسيتها بتتكون جوايا..
قولت لنفسي لو هي عايزة تدخل في منافسة مين اللي من حقه يعيش في البيت ومين اللي هيطرد.. ف انا مش بس هشارك.. أنا هكسب
ابتسمت وقولت لها هنشوف
بان عليها القلق من ردي.. طلعت على أوضتي وطلعت الصندوق اللي فيه كل الورق اللي يخصني.. 24
اللي
كان بتاع أبويا ونقله عندي.. وساعتها شوفته.. الظرف اللي كان أداهولي من سنتين.. لقيت مكتوب عليه متفتحيهوش إلا وقت الضرورة..
فتحت الظرف ولقيت كل حاجة محتاجاها.. عقد البيت اللي كان باسمي من سنتين.. اتفاقية ما قبل الجواز بتاعة أبويا وكارول.. جواب بخط أيد أبويا بيشرح فيه إزاي كان مراقب سلوك كارول وفهم إنها طماعة.. وبيعتذر لي فيه عن كل حاجه..
فضلت ساعات بذاكر كل ورقة وبفكر هستخدمها ازاي.. عقد البيت عشان أثبت ملكيتي للمكان.. واتفاقية ما قبل الجواز عشان تطلع من البيت شحاته زي ما دخلته.. وأخيرا التقرير الطبي اللي كان معتمد واللي يثبت إن وقت كتابة عقد البيت أبويا كان في كامل قواه العقلية..
كارول كانت واثقة في نفسها كويس أوي إنها اتلاعبت بأبويا.. لدرجة إنها أكيد ماكنتش تتصور إن كل ده هيحصل..
تاني يوم الصبح دخلت على كارول وهي بتفطر.. ورميت في وشها القنبله..
قولت لها انت صح.. حد فينا محتاج يمشي من البيت
وبعدها حطيت العقد قدامها.. شوفت وشها وهو بيتحول من نظرة الانتصار للون الأصفر تماما..
كانت مش فاهمة ومصډومة.. مدتهاش فرصة ترد قولت لها ده بيتي.. بقاله سنتين بيتي..
قامت من مكانها وخطفت الورق من ع الترابيزة وهي بتهز راسها لا وهي بتقول لا.. ده مش ممكن يبقى صح.. انا مراته وليا حقوق.
ساعتها حطيت قدامها اتفاقية ما قبل الجواز وقولت لها فعلا.. بس انت مالكيش الحق إلا في الحاجات اللي جبتيها البيت
شوفت ايديها بتترعش وهي مش عارفه تستوعب اللي بيحصل.. وبعدها بصت لي وقالت يا انت كنت مخططه لكل ده
هزيت راسي لا مش أنا.. بابا اللي كان مخطط لكل ده.. هو كان عارف انتي ايه بالظبط..
رمت الكرسي اللي كان جنبها بأيديها وقالت انا مش هسكت على كده.. أنا هوكل محامي..
ساعتها طلعت لها أخر ورقة معايا.. التقرير الطبي اللي من دكتور أبويا.. واللي بيأكد إنه كان واعي وبصحة عقلية كويسة وقت ما وقع عقد البيت.. وكتب كل أملاكه باسمي..
وقولت لها اتفضلي.. اعملي كل اللي نفسك فيه.. بس من مكان غير بيتي.. انا مش عايزة أشوف وشك في البيت.. قدامك لحد بكره.. وده أكتر من اللي المفروض أديهولك
بدأت تحاول تتلاعب بيا بطريقتها المعتادة.. في خمس ثواني بدأت ټعيط وتسألني هروح فين انا اتخليت عن كل حاجة عشان أبوكي.. كنت بسمعها وانا بكلم فني يغير لي كل أقفال ومفاتيح البيت...
ف نفس اليوم بالليل بصيت من شباك أوضتي وشوفت شنطها محطوطه في الجنينه متكومين على بعض.. وهي كانت واقفه بره البيت بتصرخ حوالين وفاء الأسرة لبعضها وتعاليم الدين المتسامحة..
الجيران كانوا بيتفرجوا عليها.. لما محدش اتعاطف معاها والا سألها في ايه بدأت ټشتم في أبويا.. وبعد شوية ركبت عربيتها ومشيت..
تاني يوم وانا بفطر لقيت مذكرة الطرد اللي كانت عملهالي.. اخدتها وبروزتها وحطيتها في أوضة المعيشة.. عشان تفكرني لما قالت لي شوفي لك مكان تاني واتضح إنه هي
احاديث_تيكتوكيه
LamiaaShaheen
