باختصار اخو جوزي كان متجوز

باختصار اخو جوزي كان متجوز في ايجار وربنا كرمه هو ومراته سافروا عايشين في السعودية دلوقت وبيشتغلو هناك ربنا يزيدهم
اول ما سافروا بطلوا يدفعوا ايجار ومع الوقت باعوا العفش وسابوا الشقة عشان ميغرموش فلوس ايجار كل شهر وقالوا هنبقى نحوش ونجيب تمليك ونبقى نفرشها مع الوقت
المشكلة دلوقتي بقالهم خمس سنين مسافرين اهوه ومجابوش سيرة أنهم يشتروا شقة ماشي هما احرار
بينزلوا اجازة شهرين

كل سنة المفروض حتى يأجروا مفروش مشاء الله ظروفهم كويسة وربنا يزيدهم
دول ينزلوا يقعدوا الشهرين دول بعيالهم عندنا!!
مع انهم بييجوا يأجروا عربية حديثة جدا لمشاويرهم وماشاء الله معاهم فلوس لكن بيستحلوا ييجوا يقعدوا زي اللوكندة بدل ما الست تقعد تطبخ وتنضف ورا عيالها وبدل جوزها ما ينعى هم الخزين يقوموا جايين قاعدين عندنا
راجل غريب قاعد في البيت ليل نهار وعيال تبهدل و الواحد مش ملاحق ينضف ورا عياله اصلا بيبقى مورستان بقى ده غير ان الشقة اصلا ضيقة وفي النوم بيكون صعب اوي احنا وعيالنا وهما بعيالهم
واخر سنة كانوا هنا حصل بيني وبين جوزي مشاكل كتير بسببهم واقوله خليهم يأجروا شقة هما مش محتاجين يقولي مينفعش هطردهم يعني!
هما المفروض نازلين الشهر الجاي وانا حقيقي على اخري
بعت رسالة لسلفتي قولتلها تيجوا بالسلامة وتنوروا مصر بس ياريت معلش تبدوأ تشوفوا من دلوقت شقة ايجار مفروش كويسة ولو حابة تختاري واحدة على النت وانا انزل اشوفهالك انا وجوزي
ردت عليا بعد يومين قالتلي انا عارفة اننا بنتقل عليكي بس جوزي مستحيل يوافق اننا ناجر واخوه موجود وبعدين يعيشوا ويتهنوا في خير بعض واكيد جوزك بيكون اخوه واحشه مش هيسيبه يقعد في ايجار
المفروض اعمل ايه دلوقت في التلاقيح ديه مع العلم جوزي لو
اخوه قاله انا هاجر مش هيمانع لكن المفروض تيجي من اخوه واخوه سايق فيها